На 11. FMCG Summit, кој се одржа во Скопје и ги обедини водечките компании и професионалци од FMCG индустријата, Мандис Медиа официјално го претстави своето претставништво во Република Македонија.

На самитот, презентација одржа Тони Рончевиќ, генерален директор на Мандис Медиа Хрватска, кој ја сподели визијата, искуството и регионалниот развој на компанијата. Мандис Медиа е хрватска компанија основана во 1994 година и денес претставува регионален лидер во in-store рекламирањето во FMCG секторот, со повеќе од 30 години континуирано постоење и успешно работење.

Компанијата е единствена во регионот што со своите in-store решенија покрива шест држави: Република Хрватска, Република Србија, Република Словенија, Босна и Херцеговина, Црна Гора и од неодамна – Република Македонија. Со ова проширување, Мандис Медиа дополнително ја зацврстува својата позиција како клучен партнер за брендовите кои сакаат силно присуство на местото на продажба.

Кратко, но инспиративно обраќање имаше и директорката на Мандис Медиа Македонија, Вишња Трпковска, која изрази благодарност за можноста компанијата да се претстави на овој значаен индустриски настан. Таа истакна дека македонскиот тим има јасна визија и амбиција не само да го достигне успехот на останатите претставништва во регионот, туку и да го надмине, преку поместување на границите и имплементација на уште поиновативни, креативни и ефективни in-store решенија.

Настапот на Мандис Медиа на 11. FMCG Summit претставува значаен чекор за македонскиот пазар и најава за нова ера на современо, стратешко и мерливо in-store рекламирање.

Во прилог и дел од атмосферата на FMCG Самитот: